നെ​ടു​ങ്ക​ണ്ടം ക​സ്റ്റ​ഡി മ​ര​ണം: മു​ഖ്യ​മ​ന്ത്രി​ക്കും ആ​ഭ്യ​ന്ത​രവ​കു​പ്പി​നും വീ​ഴ്ച പ​റ്റി​യി​ട്ടി​ല്ല; കെ​.കെ ശി​വ​രാ​മ​നെ ത​ള്ളി കാ​നം രാ​ജേ​ന്ദ്ര​ൻ

എം​ജെ ശ്രീ​ജി​ത്ത്

തി​രു​വ​ന​ന്ത​പു​രം: നെ​ടു​ങ്ക​ണ്ടം ക​സ്റ്റ​ഡി മ​ര​ണ വി​ഷ‍​യ​ത്തി​ൽ മു​ഖ്യ​മ​ന്ത്രി​ക്കും ആ​ഭ്യ​ന്ത​രവ​കു​പ്പി​നും വീ​ഴ്ച പ​റ്റി​യി​ട്ടി​ല്ലെ​ന്ന് സി​പി​ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ. പോ​ലീ​സി​നാ​ണ് വീ​ഴ്ച പ​റ്റി​യ​ത്. മു​ഖ്യ​മ​ന്ത്രി​ക്ക് വീ​ഴ്ച പ​റ്റി​യെ​ന്ന നി​ല​പാ​ട് സി​പി​ഐ​യ്ക്കി​ല്ലെ​ന്നും കാ​നം രാ​ജേ​ന്ദ്ര​ൻ രാ​ഷ്ട്ര​ദീ​പി​ക​യോ​ട് പ​റ​ഞ്ഞു.

നെ​ടു​ങ്ക​ണ്ടം ക​സ്റ്റ​ഡി മ​ര​ണ വി​ഷ​യ​ത്തി​ൽ മു​ഖ്യ​മ​ന്ത്രി​ക്കും ആ​ഭ്യ​ന്ത​ര വ​കു​പ്പി​നും വീ​ഴ്ച പ​റ്റി​യെ​ന്ന് ഇ​ന്ന​ലെ സി​പി​ഐ ഇ​ടു​ക്കി ജി​ല്ലാ സെ​ക്ര​ട്ട​റി കെ.​കെ ശി​വ​രാ​മ​ൻ സി​പി​ഐ ജി​ല്ലാ ക​മ്മ​റ്റി നെ​ടു​ങ്ക​ണ്ട​ത്ത് സം​ഘ​ടി​പ്പി​ച്ച മാ​ർ​ച്ച് ഉ​ദ്ഘാ​ട​നം ചെ​യ്തു കൊ​ണ്ട് വി​മ​ർ​ശി​ച്ചി​രു​ന്നു. ഇ​ട​തു​പ​ക്ഷ ന​യം സം​ര​ക്ഷി​ക്കാ​ൻ മു​ഖ്യ​മ​ന്ത്രി​യ്ക്കാ​യി​ല്ലെ​ന്ന ശി​വ​രാ​മ​ന്‍റെ അ​ഭി​പ്രാ​യം പൂ​ർ​ണ​മാ​യും ത​ള്ളി​ക​ള​യു​ക​യാ​ണ് കാ​നം രാ​ജേ​ന്ദ്ര​ൻ.

മു​ഖ്യ​മ​ന്ത്രി​യ്ക്കെ​തി​രെ​യു​ള്ള ശി​വ​രാ​മ​ന്‍റെ പ​രാ​മ​ർ​ശം ഏ​തു സാ​ഹ​ച​ര്യ​ത്തി​ലെ​ന്ന് അ​റി​യി​ല്ല. അ​തു അ​ദ്ദേ​ഹ​ത്തോ​ട് ത​ന്നെ ചോ​ദി​ക്ക​ണം. ഇ​ടു​ക്കി ജി​ല്ലാ ക​മ്മ​ിറ്റി​യു​ടെ പ​രി​പാ​ടി​യി​ലാ​ണ് അ​ദ്ദേ​ഹം ഇ​ത്ത​ര​ത്തി​ൽ പ​രാ​മ​ർ​ശം ന​ട​ത്തി​യ​ത്. അ​തി​നു മ​റു​പ​ടി പ​റ​യേ​ണ്ട​ത് ജി​ല്ലാ ക​മ്മ​ിറ്റി​യാ​ണ് സം​സ്ഥാ​ന ക​മ്മ​റ്റി​യ​ല്ല. ഇ​ക്കാ​ര്യ​ത്തി​ൽ സം​സ്ഥാ​ന ക​മ്മ​ിറ്റി ഇ​ട​പെ​ടാ​നി​ല്ലെ​ന്നും കാ​നം പ​റ​ഞ്ഞു.

പോ​ലീ​സു​കാ​രു​ടെ മാ​നോ​ഭാ​വ​വും പ്ര​വൃത്തി​യും മാ​റ​ണം. ഉ​ദ്യോ​ഗ​സ്ഥ​രു​ടെ വീ​ഴ്ച​യെ വ​കു​പ്പി​ന്‍റെ വീ​ഴ്ച​യാ​യി കാ​ണാ​നാ​കി​ല്ലെ​ന്നും കാ​നം പ​റ​ഞ്ഞു.നെ​ടു​ങ്ക​ണ്ടം ക​സ്റ്റ​ഡി മ​ര​ണ​വു​മാ​യി ബ​ന്ധ​പ്പെ​ട്ട് ഇ​ടു​ക്കി ജി​ല്ലാ സെ​ക്ര​ട്ട​റി കെ​കെ ശി​വ​രാ​മ​നും മ​ന്ത്രി എം​എം മ​ണി​യും ത​മ്മി​ൽ വാ​ക് പോ​ര് ന​ട​ക്കു​ന്ന സാ​ഹ​ച​ര്യ​ത്തി​ൽ കൂ​ടി​യാ​ണ് കാ​ന​ത്തി​ന്‍റെ പ്ര​തി​ക​ര​ണം എ​ന്ന​താ​ണ് ശ്രദ്ധേയം.

തു​ട​ർ ദി​വ​സ​ങ്ങ​ളി​ലും നെ​ടു​ങ്ക​ണ്ടം ക​സ്റ്റ​ഡി മ​ര​ണ വി​ഷ​യ​ത്തി​ൽ പ്ര​തി​ഷേ​ധം ക​ടു​പ്പി​ക്കാ​നാ​ണ് സിപിഐ ഇ​ടു​ക്കി ജി​ല്ലാ ക​മ്മ​ിറ്റി​യു​ടെ തീ​രു​മാ​ന​മെ​ന്ന് അ​റി​യു​ന്നു.